Snabba Cash / Fundið fé í bíó

  • Höfundur: Ritstjórn Forlagsins

Spennusagan Fundið fé eftir sænska krimmakrónprinsinn Jens Lapidus er á leiðinni í bíó. Fróðir menn og konur sem séð hafa ræmuna Snabba Cash bera henni vel söguna – enda eru þarlendir engir aukvisar í gerð flottra spennumynda. Sögusviðið eru undirheimar Stokkhólms þar sem þrír ólíkir glæpamenn eru allir að reyna að komast áfram – og halda lífi.  Jorge er dópsali sem sleppur úr fangelsi á ævintýralegan hátt og ætlar að forða sér úr landi en þarf fyrst að negla þá sem komu honum í steininn, JW er strákurinn sem selur yfirstéttarliðinu kókaín á flottustu klúbbunum til að fjármagna tvöfalt líf sitt og Mrado er serbneskur mafíuhandrukkari sem misþyrmir og drepur án samviskubits en lætur sig dreyma um hamingjusama tilveru með ungri dóttur sinni. Sumsé, dágóður kokteill af hasar og fjöri frá frændum vorum kemur í bíóhúsin miðvikudaginn 19. maí.


Úr dómum um myndina:


„Snabba Cash rennir stoðum undir þá staðreynd að Svíar eru að verða stórveldi í glæpamyndagerð. Virkilega smart krimmi þar sem kynnt er hægt og rólega undir áhugaverðum persónum þangað til allt sýður upp úr.“
*** ½ (stjarna)
ÞÞ/ Fréttablaðið

„Það er auðvelt að mæla með þessari spennandi og tilfinningaríku mynd því að hún veit svo sannarlega hvar hún stendur – og gerir allt sem hún ætlar sér.“
B.I. kvikmyndir.com

„Ofursvöl Scarface Norðurlanda“
**** ( stjörnur)

Ómar Eyþórsson X-ið977

„Snabba Cash gefur Stig Larsson myndunum ekkert eftir. Áhrifarík og raunveruleg.“
****

Heiðar Austmann FM957


Hér má sjá kynningarstiklu myndarinnar:

httpv://www.youtube.com/watch?v=TfHkGBywm_I

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd