Sofi Oksanen fær „litla Nóbelinn“

  • Höfundur: Ritstjórn Forlagsins
Sofi Oksanen

Sænska akademían hefur tilkynnt að finnski rithöfundurinn Sofi Oksanen hljóti í ár Norrænu bókmenntaverðlaunin sem Sænska akademían veitir. Hún er þriðja konan sem fær þessi verðlaun og sennilega yngst allra verðlaunahafa, fædd 1977. Verðlaunin nema 350.000 sænskum krónum og þau verða afhent við hátíðlega athöfn í Stokkhólmi 10. apríl næstkomandi.

Sofi varð heimsþekkt fyrir þriðju skáldsögu sína, Hreinsun, sem fékk öll hugsanleg bókmenntaverðlaun í heimalandinu, Finnlandi, og ýmis erlend verðlaun og viðurkenningar, m.a. Bókmenntaverðlaun Norðurlandaráðs og bæði FNAC verðlaunin frönsku og Prix Femina. Hreinsun kom út hér á landi 2010 við gríðarlegar vinsældir. Forlagið gaf svo út fyrstu bók hennar, Kýr Stalíns, ári seinna, en hún fór ekki eins hátt þótt athyglisverð sé. Nýjasta skáldsaga Sofi kom út í Finnlandi sl. haust og heitir Þegar dúfurnar hurfu. Hún er væntanleg á íslensku á næsta ári.

Norræn bókmenntaverðlaun Sænsku akademíunnar hafa verið veitt árlega frá 1986. Þau þykja einhver mesti heiður sem norrænum rithöfundi getur hlotnast og eru gjarnan nefnd norrænu Nóbelsverðlaunin eða „litli Nóbelinn“. Núverandi handhafi þeirra er Einar Már Guðmundsson sem var þriðji Íslendingurinn sem hlaut verðlaunin, Thor Vilhjálmsson fékk þau árið 1992 og Guðbergur Bergsson árið 2004.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd