Söngur og gleði í Hannesarholti

  • Höfundur: Ritstjórn Forlagsins
Bard of Iceland

Hannesarholt efnir til hátíðardagskrár og söngstundar í tilefni af áttræðisafmæli Dicks Ringlers, sem þýtt hefur ljóð Jónasar Hallgrímssonar á ensku, sunnudaginn 26. janúar kl. 16.

Árið 2010 gaf Forlagið út bók Ringlers, The Bard of Iceland, þar sem hann rekur sögu Jónasar, kynnir landshætti hér og í Danmörku og tengir skáldið við strauma og stefnur síns tíma, m.a. við skáldskap samtímamanna hans í Evrópu, og birtir jafnframt þýðingar sínar á lykilverkum hans með ítarlegum skýringum. Þetta brautryðjendaverk um Jónas er líklega viðamesta og markverðasta bók sem út hefur komið um íslenskt þjóðskáld á erlendu máli og um leið afar áhugavert fræðirit um ljóðaþýðingar.

Ringler þýddi Jónas vegna þess að honum fannst hann eiga erindi við heiminn eigi síður skáld á borð við Wordsworth og hefur með bók sinni stuðlað að útbreiðslu á verkum Jónasar svo um munar.

Til þess að heiðra Ringler á áttræðisafmælinu verður samsöngur í Hljóðbergi Hannesarholts og ljóð Jónasar úr The Bard of Iceland sungin bæði á íslensku og ensku. Textar munu birtast á tjaldi, til að allir geti sungið með. Margrét Pálmadóttir mun hjálpa til með forsöng og Ástvaldur Traustason mun spila með á flygilinn. Viðar Víkingsson mun kvikmynda söngstundina, og brot úr henni mun birtast á vef Hannesarholts, þar sem Dick Ringler mun geta notið hennar á heimili sínu í Madison, þegar honum hentar.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd