Stjörnubarnabækur

  • Höfundur: Ritstjórn Forlagsins
stjarna

Gagnrýnendur keppast við að lofa barnabækur Forlagsins þessa dagana. Tímakistan eftir Andra Snæ Magnason fær fjórar og hálfa stjörnu hjá Önnu Lilju Þórisdóttur í dag sem segir eftir að hafa krufið söguna að fyrst og fremst sé hún afskaplega skemmtileg lesning: „Andra Snæ tekst hér, rétt eins og í t.d. Sögunni af bláa hnettinum, að segja bráðskemmtilega sögu, ævintýri sem inniheldur sterk og áleitin skilaboð, án þess að predikunartóns gæti nokkru sinni. Stíllinn áreynslulaus að vanda, gamalkunnug minni úr ævintýrunum eru sett í nýtt samhengi og svo er atburðarásin á köflum æsispennandi. Hér sannast enn og aftur að Andri Snær er einn af okkar allra snjöllustu sögumönnum.“

Á sömu opnu í Mogganum birstist fjögurra störnu dómur Árna Matthíassonar um Draumsverð eftir Kjartan Yngva Björnsson og Snæbjörn Ragnarsson þar sem segir meðal annars: „Fyrri bókin í sagnabálknum Þriggja heima sögu, Hrafnsauga, hlaut Íslensku barnabókaverðlaunin 2012 og stóð vel undir því. Þessi, sem segir líka frá ferðaraunum Ragnars, Breka og Sirju, er enn betri, mun betur skrifuð og framvindan ævintýralegri.“

Fyrir helgina fjallaði Jón Agnar Ólason um Rangstæður í Reykjavík eftir Gunnar Helgason í Morgunblaðinu og var heillaður: „Fótboltabækurnar þrjár eftir Gunnar Helgason eru glæsilegt „hatt-trikk“ svo mállýska úr sportinu sé notuð, og það er til marks um hversu vel lukkast hér sem fyrr að 11 ára fótboltapeyi og pabbi hans voru jafnspenntir að klára þessa bók. Hún er framúrskarandi fín.“ Dómnum fylgdu svo fjórar og hálf stjarna.

Troðfullan stjörnuhimin, fimm stjörnur af fimm mögulegum, fékk svo Vísindabók Villa í Fréttatímanum. Sigríður Dögg Auðunsdóttir hafði prófað bókina á markhópnum og niðurstaðan var ótvíræð: „Yngstu börnin mín tvö … hafa unun af því að hlusta á fróðleikskafla um hitt og þetta úr heimi vísindanna. Þeim finnst spennandi að heyra um rafmagn, um himingeiminn, þyngdarkraftinn, blóðið, beinin, hljóðin og öll hin mögnuðu viðfangsefni sem Villi tekur fyrir í bókinni og skýrir á undurskemmtilegan hátt á máli sem allir skilja.“

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd