Stjörnum prýtt Englaryk

  • Höfundur: Ritstjórn Forlagsins
Guðrún Eva

Ein athyglisverðasta og hugljúfasta bók jólabókaflóðsins er Englaryk eftir Guðrúnu Evu Mínervudóttur, sem segir frá fermingarstúlkunni Ölmu sem hittir Jesú í sumarfríinu og fer í framhaldinu að huga að þeim minni máttar í samfélaginu og bjóða hinn vangann þegar hún er órétti beitt. Þessi hegðun hennar veldur mikilli sundrung í fjölskyldunni, fermingarfræðslunni og heimabænum Stykkishólmi og að lokum fer fjölskyldan öll í meðferð hjá fjölskylduráðgjafa til að takast á við vandann. Árni Matthíasson gefur Englaryk fjóra og hálfa stjörnu í Morgunblaðinu og segir að hún sé „ekki saga um Jesú og trú, heldur saga um sambönd og samskipti, um allt það sem við segjum til að halda fjölskyldunni saman, og allt það sem við segjum ekki.“ Árni lýkur dómnum með því að segja að bók Guðrúnar Evu sé „bók sem þægilegt er að lesa, fyndin og hjartnæm í senn, en hún vekur mann líka til umhugsunar eins og allar góðar skáldsögur.“

Gagnrýnendur Kiljunnar voru öll á sama máli, en Sigurður Valgeirsson sagði um Englaryk að hún væri „mjög góð bók og erfitt að sjá fyrir að það verði margar betri þetta haustið.“

Fleiri dóma má lesa hér.

Forlagið óskar Guðrúnu Evu til hamingju með frábæra dóma og tilnefningu til Fjöruverðlaunanna í flokki fagurbókmennta. Við spáum því að englarykið muni sáldrast víða um heim.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd