Stórkostleg tækifæri

  • Höfundur: Ritstjórn Forlagsins
Jón Baldur

Myndlýsirinn og listamaðurinn Jón Baldur Hlíðberg undirritaði á dögunum tímamótasamning við breska umboðsskrifstofu sem starfar með fremstu listamönnum heims á sviði náttúruteikninga og ljósmyndunar. Wildlife Art Company var stofnsett af dýrafræðingnum Mark Carwardine sem Íslendingar kannast m.a. við úr náttúrulífsþáttunum Síðustu forvöð sem sýndir eru á RÚV um þessar mundir en þar ferðast Carwardine um heiminn ásamt leikaranum Stephen Fry.

Jón Baldur kveðst afar ánægður með þá viðurkenningu sem felst í þessu erlenda samstarfi því innanbúðar hjá Wildlife Art Company séu hans virtustu kollegar á alþjóðlegum vettvangi. Hann er því að sönnu farinn að spila með stóru strákunum því þó myndir náttúrumyndir hans hafi birst í ótal bókum og tímaritum víða um lönd margfaldast tækifæri hans við að fá slíkan gæðastimpil. „Með þessu kemst ég vonandi í þann hóp sem fyrstur er skoðaður af fjölda stórra viðskiptavina og ég verð ekki lengur háður tilviljunum um hvort einhver finni mig þegar útgefandi leitar að myndefni,” segir Jón Baldur.

Jón Baldur hefur haft myndlýsingar að meginstarfi og myndskreytt fjölda kennslubóka, korta og fræðirita, auk annarra rita sem tengjast náttúrufræði. Meðal þekktustu bókverka Jóns eru hin geysivinsælu rit Íslenskar kynjaskepnur, Íslenskir fiskar og Íslensk spendýr en nýjasta verk hans er handbókin Hvalir. Einhver tími mun líða þartil efni Jóns verður komið upp á heimasíðu TWAC þar sem um er að ræða meir en tvöþúsund myndir.

Íslenska heimasíðu Jóns Baldurs má sjá hér:

Síðu Wildlife Art Company er að finna hér.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd