Strandhögg á meginlandinu

  • Höfundur: Ritstjórn Forlagsins

Spennusagan Sólstjakar eftir Viktor Arnar Ingólfsson mun koma út á vegum tékkneska forlagsins Moba á næstu misserum. Bókin sem kom út fyrir síðustu jól hefur þegar vakið verðskuldaða athygli erlendra útgefenda og er einnig væntanleg í kilju hér heima með haustinu. Moba-menn létu sér ekki nægja nýjasta krimma Viktors heldur tryggðu sér einnig sögu eftir Stellu Blómkvist, Morðinu í alþingishúsinu. Hermt er að sá dularfulli höfundur vinni nú að nýrri bók og er morgunljóst að margir bíða spenntir eftir henni enda hefur Stella ekki sent frá sér bók síðan 2006.

Nágrannar Tékka í vestri, Þjóðverjar, eru ekki síður svag fyrir íslenskum bókum en þeir virðast hneigðari fyrir sögulegan fróðleik nú um stundir. Þannig var samið um útgáfu á bók Vésteins Ólasonar, Samræður á söguöld, við forlagið Ludwig Verlag og kollegar þeirra hjá Bouvier Verlag keyptu Wagner og Völsunga eftir Árna Björnsson. Forlagið Orlanda mun gefa út ævisögu Vigdísar Finnbogadóttur eftir Pál Valsson og ævisaga Snorra Sturlusonar, skráð af Óskari Guðmundssyni, mun koma út hjá Böhlau Verlag.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd