Til hamingju Þórdís!

  • Höfundur: Ritstjórn Forlagsins

Í tilefni af alþjóðlegu 16 daga átaki sem nú stendur yfir gegn kynbundnu ofbeldi er sýning á myndum úr bók Þórdísar Elvu Þorvaldsdóttur, Á mannamáli,  í verslunarmiðstöðinni Smáralind í Kópavogi.  Bók Þórdísar, sem varpar á einstakan hátt ljósi á stöðu ofbeldismála hérlendis, hefur verið afar vel tekið og hlotið hreint frábærar viðtökur.  Þórdís hlaut í vikunni jafnréttisviðurkenningu Stígamóta fyrir starf sitt en í rökstuðningi dómnefndarinnar segir m.a.:

„Fátt er mikilvægara í baráttunni gegn kynbundnu ofbeldi en upplýst umræða. Bókin „Á mannamáli“  er skrifuð í vönduðum rannsóknarblaðamennskustíl. Höfundur viðaði að sér yfirgripsmikilli þekkingu á kynferðisbrotamálum, leitaði fanga á ótal stöðum og dró rökréttar ályktanir. Bókin er mikilsverð tilraun til þess að eyða fordómum og fáfræði. Hún ætti að vera aðhald fyrir stjórnvöld og leiðarljós fyrir okkur hin.“

Við óskum Þórdísi innilega til hamingju með viðurkenninguna og hvetjum fólk til þess að kynna sér bókina, sýninguna og átakið sem stendur yfir til 10. desember.  Nánar má fræðast um átakið hér.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd