Tilnefningar til Menningarverðlauna DV

  • Höfundur: Ritstjórn Forlagsins
Menningarverðlaun DV

Tilnefningar til Menningarverðlauna DV voru kynntar í dag en þar eiga höfundar Forlagsins heilar fimm bækur!

Í flokki bókmennta hljóta Þórunn Erlu- og Valdimarsdóttir, Sjón, Þorsteinn frá Hamri og Sigrún Pálsdóttir tilnefningar og í flokki fræði eru það Vilhelm Anton Jónsson og Sigrún Pálsdóttur (sem eins og sjá má er tilnefnd í tveimur flokkum fyrir bók sína Sigrún og Friðgeir).

Samhliða tilnefningunum birti DV umsögn dómnefndar en hér að neðan má finna útdrætti úr þeim:

Um Stúlku með maga eftir Þórunni Erlu- og Valdimarsdóttur:
„Hér er komin heillandi saga sem leiftrar af frásagnargleði … Höfundur rekur ættir sínar út frá fjölbreyttum heimildum og skáldar allt um kring. Hér tekst lesandinn á loft og stekkur fyrirhafnarlítið á milli alda og landshluta.“

Um Mánastein eftir Sjón:
„Stíllinn er undurfagur og sagan sjálf er seiðandi, óhugnanleg og á köflum nístandi og óþægilega sannfærandi … Tvímælalaust sterkasta sögusmíðin á fjölbreyttum rithöfundarferli Sjón.“

Um Skessukatla eftir Þorstein frá Hamri:
„Þjóðskáldið frá Hamri er löngu fullnuma í þeirri list að segja margt í fáum orðum. Í Skessukötlum slípar hann steinvölu sína til fulls. Ljóðin eru í senn fáguð, meitluð, beitt og margræð.“

Um Sigrúnu og Friðgeir eftir Sigrúnu Pálsdóttur:
„Hér er á ferðinni er einstaklega vel skrifuð og áhugaverð saga sem hrífur lesandann með sér í hugstæða og harmræna för. Höfundur siglir vandrataða leið milli staðreynda og skáldskapar með viðkvæman og tregafullan efniviðinn.“

Um Vísindabók Villa eftir Vilhelm Anton Jónsson:
„Undur vísindanna lifna við. Vilhelm Anton Jónsson, Villi, opnar skilningarvit lesenda sinna með skoðun og skilgreiningu á til dæmis eðlis-, efna-, jarð- og stjörnufræði. Framsetningin er forvitnileg og leitin að töfrum vísindanna er höfð að leiðarljósi … Bókin hentar jafnt þeim sem þekkja vel inn á þennan botnlausa undraheim og þeim sem eru rétt að fóta sig í samfélagi manna.“

Við óskum þessum frábæru höfundum, og öðrum tilnefndum, innilega til hamingju með tilnefninguna til þessara merku verðlauna!

Hér má lesa grein DV um Menningarverðlaunin og umsagnir tilnefndra í öllum flokkum.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd