Úr hverju eru tröllin hans Brians?

  • Höfundur: Ritstjórn Forlagsins
Tröll eftir Brian Pilkington

Nýlega kom bókin hans Brians Pilkingtons um jólasveinana þrettán út á þýsku og frönsku, en hún var upphaflega einungis gefin út á ensku og íslensku. Bækur Brians um íslensku þjóðtrúna, tröll, jólasveina og huldufólk, hafa notið gríðarlegra vinsælda á undanförnum árum enda í senn bráðskemmtilegar og trúar gömlu þjóðsögunum.

Annað sumarið í röð hefur starfsfólk Eymundssonar í Austurstræti nú sett upp litla sýningu með verkum Brians og í ár trónir þar á toppi glænýtt tröll sem listamaðurinn setti sjálfur saman. Brian segist hafa notað Fimo-leir í höfuð tröllsins, hendur og fætur. Hann er hægt að kaupa í föndurbúðum og baka í ofninum heima. Búkurinn er úr trékassa sem mýktur er með tilsniðnu frauðplasti. Hárið fékk Brian í Þjóðleikhúsinu og fötin eru úr ýmsum tilfallandi efnum, vafningarnir á fótunum eru til dæmis úr gömlum viskustykkjum með mynstri eftir Brian sjálfan. Listamaðurinn átti í mestum vandræðum með að ná brjóstum tröllskessunnar sannfærandi og endaði á að nota í þau tvær stórar blöðrur fylltar með vatni. Harðbannað er að sannreyna þetta með títuprjóni!

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd