Útgáfuboð Gæðastjórnunar

  • Höfundur: Ritstjórn Forlagsins
Helgi Þór Ingason

Í tilefni af útgáfu bókarinnar Gæðastjórnun verður blásið til útgáfufagnaðar í bókabúð Máls og menningar á morgun, miðvikudaginn 6. maí, kl. 17.

Undanfarin ár hefur gæðastjórnun fest sig æ meira í sessi. Sífellt fleiri íslensk fyrirtæki innleiða stjórnkerfi samkvæmt ISO-stöðlum og þörfin fyrir fólk með faglega þekkingu á gæðastjórnun eykst stöðugt. Þessari bók er ætlað að varpa ljósi á gæðastjórnun sem fræðigrein og hagnýta aðferðafræði og stuðla að því að hún nýtist í samfélaginu.

Höfundur bókarinnar, Dr. Helgi Þór Ingason, hefur unnið um árabil við gæðastjórnun, sem fyrirlesari og fræðimaður og einnig sem ráðgjafi við innleiðingu gæðakerfa í fyrirtækjum. Hann er dósent við Háskólann í Reykjavík og forstöðumaður meistaranáms í verkefnastjórnun (MPM). Hann er einnig meðhöfundur hinna bókanna í þessari glæsilegu bókaröð s.s. Samskiptafærni, Leiðtogafærni og Stefnumótunarfærni.

Þetta verður hugguleg stund til að hittast og fagna saman. Félagar í þjóðlagahljómsveitinni Kólgu ætla að stíga á stokk og leika örfá lög til hátíðarbrigða.

Léttar veitingar í boði og allir velkomnir.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd