Verðlaunabækur

  • Höfundur: Ritstjórn Forlagsins
Vigdís Grímsdóttir og Sigríður Víðis

7. febrúar síðastliðinn voru Menningarverðlaun DV og viðurkenning Hagþenkis afhend við hátíðlega athöfn.

Í Þjóðarbókhlöðunni tók Sigríður Víðis Jónsdóttir á móti viðurkenningu Hagþenkis fyrir bók sína Ríkisfang: Ekkert en alls tíu höfundar voru tilnefndir fyrir framúrskarandi fræðirit, námsgögn eða aðra miðlun fræðilegs efnis til almennings. Sigríður Víðis hefur einnig verið tilnefnd til Íslensku bókmenntaverðlaunanna, Fjöruverðlaunanna og bóksalaverðlaunanna. Ríkisfang: Ekkert hefur fengið gífurlega umfjöllun og stórgóða dóma og hefur almannaálitið verið að bókin sé algjör skyldulesning sem veiti afar góða innsýn í líf og reynslu flóttafólks.

Í Iðnó voru Menningarverðlaun DV veitt og þar hreppti Vigdís Grímsdóttir hnossið í flokki bókmennta fyrir bók sína Trúir þú á töfra? Bókin kom út fyrir síðustu jól og kætti það fjölmarga aðdáendur Vigdísar að loksins væri komin út ný skáldsaga eftir þessa töfrandi skáldkonu. Gagnrýnendur kættust einnig og kepptust við að lofa bókina og hlaða hana stjörnum.

Forlagið er afar stolt af þessum verðlaunakonum og óskar þeim innilega til hamingju!

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd