Verðlaunabók komin í kilju

  • Höfundur: Ritstjórn Forlagsins
Eiríkur Örn Norðdahl

Einn óvæntasti smellur síðasta árs, skáldsagan Illska eftir Eirík Örn Norðdahl, er komin út í kilju. Raunar var hún gefin út fyrst í mjúk spjalda útgáfu (stórri kilju) en síðan innbundin þegar sýnt var að hún ætlaði að slá í gegn. Báðar þessar útgáfur eru nú þrotnar en í staðinn kemur nú út ný kilja í minna formati og ódýrari.

Illsku var líka tekið afar vel af gagnrýnendum sem hlóðu hana lofi og stjörnum. Hámarki náðu þessar viðtökur þegar hún hreppti Íslensku bókmenntaverðlaunin fyrr í þessum mánuði en áður höfðu bóksalar kosið hana bestu skáldsögu ársins.
Illska segir á yfirborðinu ástarsögu þriggja ungmenna í samtíma okkar, Ómars, Agnesar og Arnórs. En sagan hefst raunar löngu fyrr, sumarið 1941, þegar helmingi bæjarbúa litháíska smábæjarins Jurbarkas var slátrað í skógunum í kring. Þannig er Illska bók um helförina og bók um ástina, um Ísland og Litháen, um Agnesi sem elskar Ómar sem elskar Agnesi sem elskar Arnór.

Eiríkur Örn Norðdahl er einn framsæknasti höfundur sinnar kynslóðar og hefur vakið mikla athygli fyrir verk sín, bæði ljóð og skáldsögur.

„ Þessi ástarsaga úr Reykjavík samtímans er notuð til að leiða okkur gegnum þann hluta evrópskrar fortíðar sem okkur finnst hvað erfiðast að takast á við.“
Auður Aðalsteinsdóttir og Ásta Gísladóttir / Spássían

„Stór bók í öllum skilningi.“
Friðrika Benónýsdóttir / Kiljan

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd