Verðskulduð viðurkenning

  • Höfundur: Ritstjórn Forlagsins
Jón Ólafsson

Jón Ólafsson hlaut Viðurkenningu Hagþenkis 2012 fyrir bókina Appelsínur frá Abkasíu. Vera Hertzsch, Halldór Laxness og hreinsanirnar miklu, en viðurkenningin var veitt við hátíðlega athöfn í Þjóðarbókhlöðunni 6. mars að viðstöddu fjölmenni.

Hagþenkir hefur árlega allt frá 1987 veitt veglega viðurkenningu fyrir framúrskarandi verk á sviði fræðirita og kennslugagna. Viðurkenningarráð félagsins tilnefnir tíu verk ár hvert og velur síðan eitt sem viðurkenninguna hlýtur.

Í greinargerð ráðsins að þessu sinni segir um bók Jóns: „Áhrifamikil og gagnrýnin greining á kommúnismanum og Gúlagi Sovétríkjanna sem afhjúpar varnarleysi hins almenna borgara.“ Við athöfnina gerði formaður viðurkenningarráðs, Ólafur Nielsen, grein fyrir bókinni og rökstuðningi ráðsins, og í ræðu sinni dró hann fram athyglisverð líkindi með bókunum Appelsínur frá Abkasíu eftir Jón Ólafsson og Ríkisfang ekkert eftir Sigríði Víðis Jónsdóttur sem hlaut viðurkenninguna fyrir ári: „Á vissan máta kallast þær á þessar tvær bækur … Báðar afhjúpa varnarleysi hins almenna borgara gagnvart öflum sem þeir ráða ekkert við og líka hversu langæ áhrif slíkra atburða geta verið, spanna kynslóðir.“

Appelsínur frá Abkasíu kom út sl. haust og hlaut afar góðar viðtökur. Auk Viðurkenningar Hagþenkis var hún tilnefnd til Íslensku bókmenntaverðlaunanna í flokki fræðirita og almenns efnis. Jón Ólafsson stundaði nám í Sovétríkjunum og Bandaríkjunum og lauk doktorsprófi í heimspeki 1999. Hann er prófessor við Háskólann á Bifröst og hefur áður skrifað m.a. bókina Kæru félagar. Íslenskir sósíalistar og Sovétríkin.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd