Vinsælustu barnabækurnar 2011

  • Höfundur: Ritstjórn Forlagsins
Barnabækur

Úrvalið af bókum fyrir börn og unglinga var blómlegt fyrir jólin og vonandi fengu öll börn að minnsta kosti eina jólabók til að lesa í fríinu.

Átta vinsælustu barnabækur Forlagsins á árinu voru jafn mismunandi og þær eru margar. Flugan sem stöðvaði stríðið eftir Bryndísi Björgvinsdóttur vann Íslensku barnabókaverðlaunin árið 2011. Bókin fjallar um ósköp venjulegar en hugrakkar húsflugur sem láta til sín taka við að koma á friði í stríðshrjáðum löndum. Bókin var einnig tilnefnd til Fjöruverðlaunanna og hefur höfundi verið hrósað fyrir frumlega og skemmtilega sögu með frábærum boðskap.

Víti í Vestmannaeyjum eftir Gunnar Helgason sló rækilega í gegn hjá fótboltaunnendum á öllum aldri en bókin fjallar um lið sem keppir á fótboltamóti í Vestmannaeyjum. Í bókinni er að finna æsispennandi fótboltalýsingar, hádramatíska fjölskyldusögu og sprenghlægilegar uppákomur sem allir ættu að hafa gaman að.

Gerður Kristný sendi frá sér þriðju bókina um forsetann og prinsessuna sívinsælu og heitir bókin Forsetinn, prinsessan og höllin sem svaf. Í bókinni er að finna ný og spennandi ævintýri sem þessar skemmtilegu persónur lenda í og er alveg víst að fjölmargir aðdáendur þessa bókaflokks óskuðu þess heitt að bókin kæmi upp úr einum jólapakkanum. Vonandi rættist óskin.

Kristín Helga Gunnarsdóttir hefur sent frá sér hverja metsölubókina á fætur annarri. Síðustu ár hefur Fíasól heillað mörg börnin upp úr skónum og fyrir þessi jól sendi Kristín Helga frá sér bókina Ríólítregluna sem einnig sló í gegn hjá lesendum á öllum aldri. Ríólítreglan er dularfull saga með ævintýrablæ enda sækir Kristín Helga efnivið sinn í íslenskar þjóðsögur sem hún fléttar svo listilega inn í þessa spennandi samtímasögu.

Dagbók Ólafíu Arndísar var einnig vinsæl fyrir jólin en bókin er sjálfstætt framhald Flateyjarbréfanna sem var afar vinsæl hjá yngri lestrarhestum. Í nýju bókinni er Ólafía Arndís flutt til Dalvíkur og er alls ekki ánægð með það og skrifar um raunir sínar í dagbókina sína.

Náttúrugripasafnið er sjálfstætt framhald Forngripasafnsins sem Sigrún Eldjárn sendi frá sér á síðasta ári. Í bókunum er fylgst með ævintýrum Rúnars og félaga hans. Bókin er fyndin, spennandi og skemmtilega myndskreytt eins og Sigrúnu er einni lagið.

Íslensku húsdýrin og Trölli eftir Bergljótu Arnalds er tilvalin fyrir yngstu bókaormana og virðist þessi bók ætla að vera eins vinsæl hjá börnunum og fyrri bækur Bergljótar. Í bókinni eru íslensku húsdýrin kynnt fyrir börnunum með skemmtilegri sögu um Trölla sem ratar ekki heim til sín en dýrin ákveða að hjálpa honum.

Það er virkilega gaman að sjá hversu fjölbreyttur og fjörugur metsölulisti barnabóka er þetta árið – enda úrvalið frábært og greinilegt að börnin bæði fá og biðja enn um bækur í jólagjöf.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd