Vitnið fær fjórar stjörnur í Mogga

  • Höfundur: Ritstjórn Forlagsins
Nora Roberts

Steinþór Guðbjartsson gefur Vitninu eftir Noru Roberts fjórar stjörnur í dómi sínum í Morgunblaðinu í dag og segir: „Það hlýtur að vera skelfileg lífsreynsla fyrir ungmenni að verða vitni að morðum og þurfa síðan að villa á sér heimildir og lifa á flótta undan glæpamönnum sem svífast einskis. Eiga engan að og geta engum treyst nema sér sjálfum fyrr en hjálpin berst meira en áratug síðar. Þetta er í stuttu máli söguþráðurinn í rómantísku spennusögunni Vitninu.“  Hann kvartar ekkert undan því að þetta sé „stelpusaga“ en finnst hún vel skrifuð og persónulýsingarnar sérlega lifandi: „Þessi eilífa barátta góðs og ills leikur í höndunum á Noru Roberts og það er auðvelt að taka afstöðu á móti hrottunum og þeim sem halda að þeir ráði öllu og geti stjórnað öllu.“ Honum finnst meira að segja aðalpersónan minna á Lisbeth Salander í þríleik Stiegs Larssons: „Hún getur allt, kann að nota gáfurnar og er snillingur í að verja sig. … Vitnið er ágætis tilbreyting frá þessum hörðu krimmum og sænsku vandamálasögunum. Þótt enginn komist með tærnar þar sem Jack Reacher er með hælana er líka rými fyrir mjúka fólkið og það getur verið hart í horn að taka þegar á þarf að halda. Vitnið sýnir það svo ekki verður um villst.“

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd