Um bókina
Í öðru bindi Byggðasögu Skagafjarðar er fjallað um hinn gamla Staðarhrepp og Seyluhrepp sem saman telja 106 býli. Nokkur umsögn er um hvort sveitarfélag.
Í texta og myndmáli er fjallað um hverja einustu jörð sem í ábúð hefur verið einhvern tíma síðastliðin 220 ár. Gefin er lýsing á jörðinni, getið bygginga og birt tafla yfir fólk og áhöfn jarðanna á tímabilinu 1703-2000, yfirlit um eignarhald á síðari tímum og talsverð söguleg umfjöllun allt frá því jörðin kemur fyrst við heimildir. Lýst er öllum fornbýlum og seljum sem tengjast einstökum jörðum og þau staðsett með GPS staðsetningartæki.
