Þú ert hér://Ísland í aldanna rás: 1900-1950

Ísland í aldanna rás: 1900-1950

Höfundar: Illugi Jökulsson, Ísland í aldanna rás

Ísland í aldanna rás er stórvirki í íslenskri bókaútgáfu. Þetta bindi, Ísland í aldanna rás 1900-1950, kom út fyrir jólin 2000 og seldist upp á svipstundu. Bókin er spegilmynd fyrri hluta 20. aldar af íslensku þjóðlífi – ritverk um stórbrotna tíma í sögu lands og þjóðar. Bókin er í stóru broti, 469 blaðsíður með ítarlegum texta og vel á annað þúsund ljósmynda og skýringarkorta.

Aðalhöfundur bókarinnar er Illugi Jökulsson, sem var mörg ár að viða að sér efni í ritverkið. Auk Illuga kom fjöldi manna  við sögu við greinaskrif og öflun myndefnis. Hér er Illugi á heimavelli því bæði stórviðburðir og daglegt amstur öðlast nýtt líf í liprum, fróðlegum og hnyttnum texta hans. Efnistök Illuga og einstök fundvísi á markverð atvik gefa bókinni skemmtilegt yfirbragð. Ísland í aldanna rás 1900-1950 segir frá staðreyndum en túlkar jafnframt tíðaranda.

Í bókinni er greint frá stórviðburðum og merkistíðindum, veðurfari, náttúruhamförum, skipsköðum og sakamálum. Stjórnmálum og þjóðfélagsátökum eru gerð góð skil, sagt frá menningu og listum, lífsbaráttu alþýðufólks, sérkennilegum skoðunum og deilum. Í upphafi hvers árs er atburðaannáll auk veðurlýsingar ársins. Einnig er gerð grein fyrir helstu fréttum frá útlöndum.

Verð 4.990 kr.

Gerð SíðurÚtgáfuárVerðMagn
Innbundin-2000 Verð 4.990 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: / / / /