Um bókina
Lengi hefur skort gagnlegt yfirlit eldri mælieininga sem notaðar voru hér á landi um aldir enda verið afar flókið að finna upplýsingar um þær. Þessu riti er ætlað að bæta úr þeirri þörf. Björk Ingimundardóttir, sagnfræðingur og fyrrverandi sviðsstjóri og skjalavörður á Þjóðskjalasafni Íslands, hefur tekið saman þessar mikilvægu upplýsingar, skrifað skýringar og leiðbeiningar um túlkun orða í fjölmörgum skjölum. Orðin hafa jafnframt verið birt í Orðabelg – sögulegu hugtakasafni Þjóðskjalasafns Íslands á vef safnsins og eru leitarbær þar.
