Esja er ung stúlka sem býr með fjallafólkinu uppá Bláfjalli, í felum fyrir nútímanum. Það er stranglega bannað að fara niður í borgina og refsingin við því er útlegð. Esja er hjartgóð og hugrökk en dálítið öðruvísi en hin fjallabörnin.

Eftir óvænta atburði lendir Esja niðri í borginni þar sem hún þarf að takast á við nýtt líf, fordóma og einelti en kynnist líka vináttu og trausti. Hún hittir borgarstrákinn Mána og saman reyna þau að leysa vanda Esju og takast á við mikla umhverfisvá sem ógnar öllu lífi á Bláfjalli.

„Það má ekki láta græðgina eyðileggja framtíðina.“