Um bókina
Regína og Litlavin eru eins ólíkar og hægt er. Auk þess ólst Regína upp hjá hertoganum í Normandí en Litlavin á Íslandi, hjá fátækum vinnuhjúum sem sögðu henni aldrei sannleikann um uppruna hennar.
Á fjórtán ára afmælisdegi þeirra birtist dularfullt fólk hjá þeim báðum. Fólk sem er með drekapeð í fórum sínum og ætlar að – haltu þér fast – veiða þær. En af hverju? Hverjar eru þessar stelpur?
Talandi hani, brjálaður búálfur og sætur hvolpur gera allt til að halda þeim á lífi en dugar það til? Og … hver í veröldinni er þessi Sturla?
Verðlaunahöfundurinn Gunnar Helgason skapar ævintýralega spennu með leiftrandi frásagnargleði og heillandi söguheimur hans sprettur fram í fjölmörgum mögnuðum myndum Sigmundar Breiðfjörð. Þetta er bók sem þú VERÐUR að lesa.
