Höfundar: Helga Sigfúsdóttir, Jóhanna Þorleifsdóttir

Valur er fimm ára strákur sem eignast lítinn bróður. Hann hefur lengi lang í lítið systkini og loksins er hann orðinn stóri bróðir. Þegar hann sér litla bróður í fyrsta skipti tekur hann hinsvegar eftir því að hann er með dálítið öðruvísi vör. En afhverju er vörin svona?

Með aðstoð foreldra sinna lærir Valur hvers vegna bróðir hans lítur svona út og að allir eru einstakir á sinn hátt. Helga Sigfúsdóttir er móðir fimm ára drengs með skarð í vör og góm. Fljótlega eftir fæðingu hans fór að bera á spurningum frá yngri fjölskyldumeðlimum um hvað skarð í vör væri.

Þessi bók er skrifuð fyrir alla forvitna krakka til að svara þeim spurningum.

Jóhanna Þorleifsdóttir myndskreytti.