Stjörnufans á Forlagsbækur!

  • Höfundur: Ritstjórn Forlagsins
Stjörnufans

Með DV í dag fylgir bókakálfur sem bragð er að. Þar fjallar Ingi Freyr Vilhjálmsson um Ástarsögu Íslendinga að fornu eftir Gunnar Karlsson, gefur henni fjórar stjörnur og segir að ljóst sé að Gunnar unni efninu og skrifi um það af þeirri ást sem við á. Halldór Armand Ásgeirsson fær líka fjórar stjörnur hjá Ingólfi Sigurðssyni fyrir bók sína Vince Vaughn í skýjunum. Þar skrifar bókmenntamaður af yngri kynslóð sem skilur alveg hvað Halldór er að fara með bók sinni og við hverja hann er að tala: „Það er aðdáunarvert að upprennandi höfundur brjóti upp formið og takist á við jafn áhugavert viðfangsefni og tæknivæddan nútímann,“ segir hann. Ingólfur dáist líka að stíl Halldórs: „Hvernig hann tengir setningarnar saman … er listilega vel gert og myndmálið kallar fram trúverðuga og skemmtilega atburðarás.“

Einnig skrifar Kristjana Guðbrandsdóttir um nýja bók Steinars Braga, Reimleika í Reykjavík, undir titilinum „Dauðinn við næsta fótmál – poppuð alþýðuafþreying“ og loks segir Reynir Traustason að leyndarmál Jóhönnu séu afhjúpuð í bók Jónínu Leósdóttur, Við Jóhanna. Þær tvær fá þrjár stjörnur hvor.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd