Langar þig út en veist ekki alveg hvað þú átt að gera þar? Viltu fylgjast með fuglum? Rannsaka pöddur? Leita að tröllum? Eða breytast í drulluskrímsli? Þá er þetta bókin fyrir þig!

Komdu út! geymir fjölda skemmtilegra hugmynda að því sem hægt er að gera úti í náttúrunni, hvort sem þú ert niðri í fjöru, uppi á fjalli eða bara úti í garði.

Brynhildur Björnsdóttir og Kristín Eva Þórhallsdóttir hafa langa reynslu af gerð vinsæls barnaefnis fyrir útvarp og sjónvarp. Samhliða útgáfu bókarinnar setja þær í loftið vefsíðuna ferðafélaginn.is þar sem finna má ýmsan fróðleik í tengslum við efni hennar.