Um bókina
Þórunn Stefánsdóttir háði erfiða baráttu við þunglyndi og hafði að lokum sigur.
Konan í köflótta stólnum er persónuleg reynslusaga um baráttu Þórunnar Stefánsdóttur við þunglyndi. Eftir tíu ára glímu við sjúkdóm, sem leiddi hana á barm örvæntingar og sjálfsvígstilraunar, sjúkdóm, sem hefur lengi verið feimnismál, sjúkdóm sem sækir heim fleiri en okkur grunar, fann hún á ný gleðina og tilganginn í lífinu.
Þetta er óvenju myndræn og falleg frásögn af hversdagslífi í svartholi þunglyndis. Hispurslaus og fágætlega einlæg og hugrökk lýsing á ferðalagi frá djúpu myrkri til bjartrar lífssýnar.
Hún á erindi til allra hvort sem þeir hafa kynnst sjúkdómnum af eigin raun eða ekki.
Bókin var tilnefnd til Íslensku bókmenntaverðlaunanna árið 2001.
