Alsæla í Kiljunni

  • Höfundur: Ritstjórn Forlagsins
Kristín Eiríksdóttir og Auður Jónsdóttir

„Þetta eru tvær harla góðar bækur,“ sagði Egill Helgason að lokinni umræðu í Kiljunni í gærkvöldi um Hvítfeld Kristínar Eiríksdóttur og Ósjálfrátt Auðar Jónsdóttur, „við sitjum hér nánast í sæluvímu!“

„Hvítfeld er fjölskyldusaga sem fjallar um lygar, Ósjálfrátt er fjölskyldusaga sem fjallar um skáldskap þannig að það er mikill skyldleiki þarna á milli,“ sagði Fríða Björk Ingvarsdóttir og hún var innilega hrifin af skáldsögunum tveim eins og félagar hennar, Egill og Eiríkur Guðmundsson. Þau greindu bækurnar báðar af mannviti og skilningi og opnuðu þær einstaklega vel fyrir lesendum um leið og þau gerðu sögurnar spennandi.

„Fyrst og fremst er þetta saga um það hvernig þetta skáldlega sjálf – þetta skapandi sjálf – verður til, þetta er þroskasaga rithöfundar. Mér finnst það vera kjarninn í þessu verki,“ sagði Fríða Björk um Ósjálfrátt. Og Eiríkur tók undir það: „Þessi bók er eiginlega skáldskaparfræði Auðar, hún er að sýna okkur hvernig hún varð til sem rithöfundur, sýna okkur þá reynslu sem gerði hana að höfundi,“ og honum finnst hún gera það afskaplega vel. Öllum fannst sagan óvenju skemmtileg, hlý og fyndin þrátt fyrir harkalegt söguefni.

Formið heillaði í bók Kristínar, „afskaplega vel heppnað, hnitmiðað og fágað,“ sagði Fríða. „Hún byggir upp sögu þar sem hún leikur á lesandann í fjórgang …“ Og þau ræddu fram og aftur dýpt sögunnar, lúmska ádeilu hennar og skemmtilegt yfirborð, fannst til dæmis flott hvernig hún vísar í samtímann og notar persónur eins og Britney Spears í umfjöllun sinni um kvenímyndir.

Þetta eru fyrstu umsagnir um bækurnar tvær og mega skáldkonurnar ungu vel við una.

Deila:

Fleiri fréttir

Arndís og Sigrún tilnefndar til ALMA-verðlaunanna 2027

Það er gleðiefni að tveir höfundar Forlagsins, Arndís Þórarinsdóttir og Sigrún Eldjárn, eru tilnefndar til alþjóðlegu ALMA-verðlaunanna 2027. Tilnefningarnar eru viðurkenning á framlagi þeirra til barna- og ungmennabókmennta. ALMA-verðlaunin, Astrid Lindgren Memorial Award, eru kennd við sænska barnabókahöfundinn Astrid Lindgren og veitt árlega einstaklingi eða stofnun fyrir mikilvægt framlag til barnabókmennta. Að þessu sinni eru…

Síðasti dagurinn hlýtur Sólfaxa – íslensku barnabókaverðlaunin 2026

Síðasti dagurinn eftir Matthildi Yrsu Sigurðardóttur, Þórunni Rakel Gylfadóttur og Diddu Flygenring hefur hlotið Sólfaxa – íslensku barnabókaverðlaunin árið 2026 Sólfaxi – íslensku barnabókaverðlaunin eru veitt fyrir handrit að myndríkri bók. Samkeppnin er nafnlaus og senda þátttakendur gögn inn undir dulnefni. Metþátttaka var í keppninni að þessu sinni en rúmlega fimmtíu handrit bárust. Eftir að…

Nýjar raddir 2027

Forlagið efnir í tíunda skipti til handritasamkeppni undir heitinu Nýjar raddir. Óskað er eftir handritum eftir höfunda sem ekki hafa gefið út fleiri en eitt prósaverk áður hjá atvinnuforlagi. Handritið skal vera á íslensku og einn samfelldur texti eða safn styttri texta og á lengd við nóvellu eða stutta skáldsögu (um 15.000 til 30.000 orð),…

Stjörnu-Sævar og Villi Neto ræða sólmyrkva í Bókahillunni

Í nýjasta þætti Bókahillunnar, hlaðvarps Forlagsins um bækur, höfunda og bókmenntir, ræðir Villi Neto við Stjörnu-Sævar um sólmyrkva. Þeir fara um víðan völl og ræða meðal annars frægðina, geimverur, teiknimyndir og auðvitað sólmyrkva. Sævar segir frá því hvernig best sé að undirbúa sig fyrir sólmyrkva og fylgjast með honum á öruggan hátt. Í þættinum segir…

Karfan þín

Valmynd