Skelfileg skepna úr geimnum hefur komið sér fyrir á jörðinni, nánar tiltekið í Noregi, og heimsendir er í nánd. Ef þú vilt njóta síðustu daganna í ró og spekt þá ættir þú kannski að leggja þessa bók frá þér. En ef þú veðjar á hinn fífldjarfa Búa og hugrökku Lísu og hræðist ekki sjöfættar perúskar kóngulær, illmenni með gyllinæð og keðjureykjandi kónga – þá skaltu byrja strax að lesa Doktor Proktor og heimsendir. Kannski.

Glæpasagnahöfundurinn Jo Nesbø fer á kostum (og handahlaupum) í þriðju bókinni um brjálaða prófessorinn Doktor Proktor og unga vini hans. Frábær skemmtun fyrir krakka sem gera miklar kröfur til ímyndunaraflsins.

Jón St. Kristjánsson þýddi.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 7 klukkustundir og 4 mínútur að lengd. Vignir Rafn Valþórsson les.