Allt í plati !
2020

Allt í plati !

Höfundur: Sigrún Eldjárn

Það voru mikil tíðindi þegar Allt í plati kom út árið 1980. Þá var fátítt að út kæmi alíslensk myndabók fyrir börn. Þarna steig fram nýr og spennandi höfundur sem gat bæði skrifað og teiknað. Og aldrei fyrr höfðu lesendur heyrt um krókófílana í holræsum Reykjavíkurborgar!

Nú – 40 árum síðar – þekkja flestir Sigrúnu Eldjárn og sem betur fer hefur bókum hennar fjölgað mikið. Enn er þó afar fátt vitað um hina dularfullu krókófíla, torfbæi í Breiðholti, Loft lyftuvörð í Hallgríms-kirkju og ævintýralegar hugsanablöðrur vinanna Eyvindar og Höllu. Það er því full ástæða til að nýir lesendur kynnist þessari sígildu sögu!