Þú ert hér://Nýja stjórnarskráin: Hvernig varð hún til? Hvar er hún stödd?
Nýja stjórnarskráin: Hvernig varð hún til? Hvar er hún stödd?
2018

Nýja stjórnarskráin: Hvernig varð hún til? Hvar er hún stödd?

Höfundar: Vigdís Finnbogadóttir, Þorvaldur Gylfason

Vigdís Finnbogadóttir, forseti Íslands 1980-1996, ritar formálsorð þessarar fallegu bókar, sem hefur að geyma nýju stjórnarskrána ásamt ítarlegum sögulegum inngangi eftir Þorvald Gylfason prófessor. Nýja stjórnarskráin var samþykkt í þjóðaratkvæðagreiðslu 20. október 2012 af yfirgnæfandi meiri hluta kjósenda.

Bókin lætur ekki mikið yfir sér en lýsir þó afreki þjóðar, afreki sem almenningur á Íslandi vann í kjölfar áfalls sem hann varð fyrir árið 2008. Það á vel við að gefa þessa bók, bæði sjálfum sér og öðrum.

Nýja stjórnarskráin var svar Íslendinga við Hruninu, heilandi ferli til að komast yfir áfallið og halda áfram. Þrátt fyrir það er reynt að hindra landsmenn í að stíga skrefið til fulls. Í sögulegum inngangi Þorvaldar er útskýrt hvers vegna þörf var á nýrri stjórnarskrá og af hverju Alþingi hefur ekki enn fullgilt hana. Í formálsorðum sínum segir Vigdis Finnbogadóttir meðal annars: „Að mínu mati hefur íslenska þjóðin beðið nógu lengi eftir nýrri stjórnarskrá …“

Umheimurinn fylgist líka með þessu furðulega háttalagi stjórnmálamanna á Íslandi, að hunsa niðurstöðu þjóðaratkvæðagreiðslu um nýja stjórnarskrá. Einn þekktasti lagaprófessor Harvard-háskóla, Lawrence Lessig, spyr af sama tilefni og Vigdís: „Er þjóðin fullvalda eða er hún það ekki? Ef þjóðin er fullvalda, krefst hún þess þá ekki að vilji hennar sér virtur?“

Elvira Pinedo, prófessor í lögum við Háskóla Íslands, segir réttilega: „Þessari spennandi sögu er sannarlega ekki lokið. Lesið endilega!“