Þú ert hér://Áslaug Snorradóttir
Áslaug Snorradóttir

Áslaug Snorradóttir

Áslaug Snorradóttir ljósmyndari og matarhöfundur er fædd 15. janúar 1967. Hún varð snenma þekkt fyrir hönnun og áhuga á matargerð og ræktun en þó fyrst og fremst fyrir óvenjulegar og listrænar ljósmyndir sínar, bæði af mat og öðru.

Áslaug hefur tekið ljósmyndir í nokkrar matreiðslubækur og var sú fyrsta þeirra Hratt og bítandi eftir Jóhönnu Sveinsdóttur, sem út kom árið 2000. Sjálf hefur hún samið matreiðslubækurnar Icelandic Picnic (2006, með Sigrúnu Sigvaldadóttur) og Fagur fiskur (2013, með Sveini Kjartanssyni), sem unnin var upp úr samnefndum sjónvarpsþáttum. Vorið 2016 kom svo bókin Íslensk ofurfæða, villt og tamin, þar sem Áslaug er bæði höfundur og ljósmyndari og leitar sér fanga í íslenskri náttúru og hjá ræktendum víða um land.