Margrét S. Höskuldsdóttir er fædd árið 1972 á Þingeyri í Dýrafirði en flutti til höfuðborgarinnar á unglingsárum. Margrét er með B.ed. gráðu frá Kennaraháskóla Íslands og hefur lengst af starfað sem grunnskólakennari. Hún er einnig með meistaragráðu í Listfræði frá Háskólanum í Edinborg. Fyrsta skáldsaga Margrétar, Dalurinn, kom út árið 2022. Glæpasagan Í djúpinu kom út 2024 en útgáfurétturinn hefur þegar verið seldur til Þýskalands. Lokar augum blám er sjálfstætt framhald þeirrar bókar. Sögur Margrétar eiga það sameiginlegt að gerast á Vestfjörðum en höfundur nýtir sér ægifagra vestfirska náttúru til að kynda undir dulúð og spennu.