Sigríður Kristín Þorgrímsdóttir, f. 1956, er sagnfræðingur að mennt og hefur starfað sem kennari, blaðamaður og sérfræðingur hjá Byggðastofnun. Hún hefur skrifað ýmiss konar fræðilegt efni en fyrsta skáldverk hennar, Alla mína stelpuspilatíð, var femínísk skáldævisaga sem fjallaði um kjör og hlutskipti kvenna fyrr og nú og vakti hún mikla athygli.

Ævisaga móður hennar, Jakobína – saga skálds og konu, var tilnefnd til íslensku bókmenntaverðlaunanna 2019 og hlaut Fjöruverðlaunin 2020. Árið 2025 kom út sagnfræðiritið Piparmeyjar – Fröken Thora og saga einhleypra kvenna á Íslandi sem byggir á metnaðarfullri rannsókn Sigríðar á ævi og högum ógiftra kvenna á ofanverðri nítjándu öld.