Svikaskáld er sex kvenna kollektív sem hefur gefið út ljóðverkin Ég er ekki að rétta upp hönd, Ég er fagnaðarsöngur og Nú sker ég netin mín, auk þess að standa fyrir ýmiss konar viðburðum tengdum flutningi og miðlun á ljóðum. Hópinn skipa Fríða Ísberg, Melkorka Ólafsdóttir, Ragnheiður Harpa Leifsdóttir,  Sunna Dís Másdóttir,  Þóra Hjörleifsdóttir og Þórdís Helgadóttir.