Þórdís Helgadóttir, f. 1981, er menntuð í heimspeki, ritstjórn og ritlist. Smásagnasafn hennar Keisaramörgæsir kom út árið 2018 og hlaut lofsamlega dóma. Þremur árum síðar sendi hún frá sér ljóðabókina Tanntöku en hún var tilnefnd til ljóðabókverðlaunanna Maístjörnunnar og Fjöruverðlaunanna, bókmenntaverðlauna kvenna. Fyrsta skáldsaga Þórdísar, Armeló, kom út árið 2023 og hlaut tilnefningu til Bókmenntaverðlauna Norðurlandaráðs tveimur árum síðar.

Leikverk Þórdísar Þensla var sýnt í Borgarleikhúsinu sem hluti af verkefninu Núna 2019 en Þórdís var jafnframt leikskáld leikhússins veturinn 2019–2020.

Þórdís er ein af Svikaskáldum, höfundakollektífi sex kvenna, en þær hafa sent frá sér ljóðverkin Ég er ekki að rétta upp hönd, Ég er fagnaðarsöngur, Nú sker ég netin mín og Ég er það sem ég sef auk skáldsögunnar Olíu sem tilnefnd var til Íslensku bókmenntaverðlaunanna 2021.