Þú ert hér:/Kortadeild Forlagsins
Kortadeild Forlagsins 2017-07-05T10:06:54+00:00

Landakort Máls og menningar eru ómissandi ferðafélagar!

Mál og menning hefur starfrækt kortadeild síðan 1998 og hafa landakort hennar lengi verið vinsælustu kortin á íslenskum markaði, enda eru þau sniðin að þörfum þeirra sem vilja ferðast um landið með öruggum hætti.

Kortin eru fáanleg í ýmsum mælikvörðum, allt frá Ferðakorti af öllu landinu (mælikvarði 1:600 000) til nákvæmra Atlas- og Sérkorta (mælikvarði 1:100 000). Lögð er áhersla á öra endurnýjun og uppfærslu, þannig að ferðamenn séu ávallt með nýjustu upplýsingar í höndunum. Á bakhlið kortanna eru lýsingar og litmyndir af helstu náttúruperlum landsins og er allur texti á fjórum tungumálum, íslensku, ensku, þýsku og frönsku.

Kortabækur Máls og menningar henta vel til ferðalaga í bíl og eru fáanlegar í þremur mælikvörðum, 1:300 000 í gormi (Kortabók Íslands), 1:200 000 í gormi (Ferða-Atlas) og 1:100 000 innbundinn (Íslands-Atlas).

Kortin er hægt að fá unnin á ýmsa vegu: brotin eða flöt, plöstuð, upphleypt, innrömmuð eða prentuð á alls kyns efni og yfirborð. Sérvinnslu þarf að panta með því að hafa samband við Kortadeild Forlagsins.

Kortin má finna hér í vefversluninni en einnig má skoða þau í góðu næði í verslun okkar á Fiskislóð 39 í Reykjavík.

Kort