Ár er liðið frá því að Tina Evans missti litla drenginn sinn, Danny, í hörmulegu slysi. Söknuðurinn er búinn að vera nánast óbærilegur. En nú er tími til kominn að horfa fram á veginn. Þá fær Tina undarleg skilaboð. Dag einn tekur hún eftir tveimur orðum á krítartöflu í herbergi Dannys: EKKI DÁINN.

Í kjölfarið hefst ógnvænleg atburðarás … Mögnuð háspennusaga sem fær hárin til að rísa á höfði lesendans.

Dean Koontz er einn þekktasti spennusagnahöfundur heims. Bækur hans hafa selst í yfir 500 milljónum eintaka og verið þýddar á um 40 tungumál.