Höfundur: Ingo Schulze

Austur-Þýskaland um og upp úr 1990. Sameining þýsku ríkjanna er orðin að veruleika, en í stað eftirvæntingar og léttis verður söknuðurinn eftir liðinni tíð áleitnari en menn hefðu trúað. Kerfið gamla er horfið og erfitt að fóta sig í nýjum heimi.

Tilgerðarlaus saga um fólk sem þjáist í tilbreytingarleysi og óvissu, fólk í þrotlausri leit að öryggi og ást á þess að sjást fyrir í hamingjuleit sinni, fyndin og kaldhæðin í senn. Bókin hefur á örskömmum tíma fært höfundi sínum alþjóðlega frægð og verið þýdd á fjölmörg tungumál.