Höfundar: Mary Ann Shiffer, Annie Barrows

Ungur rithöfundur er að leita að efni í næstu skáldsögu þegar hún fær bréf frá manni sem hefur fyrir tilviljun eignast bók sem skáldkonan átti áður.

Þegar í ljós kemur að hann er félagi í Bókmennta- og kartöflubökufélaginu á Guernsey er forvitni hennar vakin og fyrr en varir kynnist hún fleira fólki í þessum merka félagsskap. Bréfin ganga á milli og skáldkonan kynnist ást og sorgum á Guernsey undir þýsku hernámi, finnur efni í næstu skáldsögu og vináttu sem er engri lík.

Bókmennta- og kartöflubökufélagið hefur farið sigurför um heiminn og kemur nú út í 3. útgáfu. Eftir bókinni hefur nýlega verið gerð alþjóðleg stórmynd.