Bono er einn frægasti og áhrifamesti tónlistarmaður síðustu áratuga. Barátta hans fyrir niðurfellingu skulda þriðja heimsins hefur gert hann að einum áhrifaríkasta listamanni seinni tíma.

Í þessari bók lýsir Bono sér sem skrifandi, víndrekkandi og biblíulesandi meðlim í hljómsveit. Aðgerðarsinna og farandsölumanni hugmynda. Skákmanni, rokkstjörnu í hlutastarfi og óperusöngvara í háværustu þjóðlagasveit veraldar. Michka Assayas er tónlistarblaðamaður og rithöfundur sem starfar í París.

Hann hitti Bono fyrst í London árið 1980 og var fyrsti blaðamaðurinn sem ferðaðist með U2 utan Bretlandseyja. Undanfarin tvö ár hafa þeir Bono og Michka unnið saman að þessari einstöku bók. Hér talar Bono opinskátt um erfið uppvaxtarár sín, baráttu sína fyrir fátækustu lönd heims, trú sína og líf sem ein þekktasta stjarna nútímans.