Höfundar: Eva María Jónsdóttir, Óskar Jónasson

Þjóðkvæði eru lífseigasta barnaefni Íslandssögunnar. Þau voru kveðin fyrir Snorra Sturluson og vini hans en gleðja ekki síður gríslinga 21. aldarinnar með fegurð sinni og spennu, gamansemi og sorgum.

Dans vil ég heyra geymir sagnadansa og lausavísur sem Eva María Jónsdóttir valdi og Óskar Jónasson myndskreytti. Bókinni fylgir geisladiskur með upptökum af kvæðunum úr fórum Stofnunar Árna Magnússonar.