Höfundur: Ásgeir Pétursson

Stjórnmál hafa verið snar þáttur í lífi Ásgeirs Péturssonar. Hann ólst upp á miklu stjórnmálaheimili, sonur Péturs Magnússonar ráðherra, eins helsta forystumanns Sjálfstæðisflokksins. Hann var nákunnugur Ólafi Thors og um langt skeið aðstoðarmaður Bjarna Benediktssonar. Þá var hann náinn vinur og samherju Geirs Hallgrímssonar. Frá öllum þessum mönnum segir Ásgeir með eftirminnilegum hætti – og einnig sinni eigin stjórnmálaþátttöku.

En minngaþættir Ásgeirs segja frá fleiru en innviðum íslenskra stjórnmála. Þeir geyma verðmætar lýsingar á aldarfari – hvort sem um er að ræða miðbæjarlíf í gömlu Reykjavík, mannlíf í „þúsund ára“ Íslandi til sveita, sjómannslíf um miðja síðustu öld, veiðimennsku á heiðum uppi, líf og starf íslenskra embættismanna á upphafsárum lýðveldisins eða margþætt sýslumannsstarf í Borgarfirði og Kópavogi meðan sýslumenn voru enn héraðshöfðingjar.