Höfundur: Sara Blædel

Susanne er nauðgað hrottalega eftir fyrsta stefnumót hennar við mann sem hún kynntist á Netinu. Louise Rick, fulltrúi í morðdeild rannsóknarlögreglunnar í Kaupmannahöfn, er fengin til að rannsaka málið.

Sú rannsókn leiðir til þess að Louise fer að skoða önnur óleyst nauðgunarmál og í ljós kemur að nauðgarinn, sem notar fjölmörg dulnefni, nýtir sér vinsældir Internetsins til stefnúmóta við fórnarlömb sín.

Þegar svo ung stúlka finnst myrt sér Louise fram á að hún neyðist til að fara sjálf á netstefnumót til að upplýsa málið…

Sara Blædel, fædd 1964, starfaði sem blaðamaður um níu ára skeið og hefur jafnframt leikstýrt sjónvarpsþáttum fyrir danska sjónvarpið. Hún stofnaði eigin bókaútgáfu sem sérhæfir sig í glæpasögum.

Fyrsta skáldsaga Söru kom út 2004 og sló eftirminnilega í gegn. Meðal annars hafa danskir lesendur útnefnt hana vinsælasta rithöfund Danmerkur.