Linda Lykke Jacobsen situr fyrir framan sjónvarpið og fylgist með fréttaskýrendum segja frá ósigri jafnaðarmanna og sögulegri hægrisveiflu í dönskum stjórnmálum. En það eina sem kemst að hjá henni er eiginmaður hennar, fráfarandi fjármálaráðherra. Í augum almennings er hann stórkostlegur stjórnmálamaður og af mörgum álitinn hæfasta formannsefni flokksins en Linda þekkir líka aðrar og myrkari hliðar hans. Eftir nær þrjátíu ára hjónaband veit hún hvenær best er að láta sem minnst fyrir sér fara. Hún veit líka að það dugir aldrei til. Konungsmorðið er hörkuspennandi saga um miskunnarlausa valdabaráttu, ást og fórnir; um þá sem ríkja og þá sem líða fyrir völd annarra, gerendur og þolendur á öllum sviðum mannlífsins.

Hanne-Vibeke Holst (f. 1959) hefur skrifað fjölda skáldsagna og er einn vinsælasti höfundur Danmerkur. Konungsmorðið er sjálfstætt framhald metsölu bókarinnar Krónprinsessan.

Halldóra Jónsdóttir þýddi.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 20 klukkustundir og 46 mínútur að lengd. Esther Talía Casey les.