Leiðtogafærni – sjálfsskilningur, þroski og þróun fjallar um leiðtogafærni í ljósi sálarfræði og hugvísinda.

Áhugi á leiðtogafræðum hefur stóraukist á undanförnum árum og hér er bætt úr brýnni þörf á nýju námsefni í stjórnunarfræðum þar sem fer saman þekking á verkvísindum og mannvísindum.

Í bókinni er lesandinn hvattur til að huga að eigin þroska með persónulegri stefnumótun og innleiðingu hennar. Einnig er fjallað um tilfinningar, hugsun og atferli leiðtogans auk þess sem bókinni er ætlað að dýpka skilning á áhrifum viðhorfa og væntinga, sem og áhrifum persónuleika hvers og eins.