Hann lét skeggið vaxa og fór til Ameríku, las Arthur Rimbaud og orti ljóð. Í rútunni á leiðinni frá New York til Los Angeles  hitti hann stúlku sem var á flótta. Stúlkan sagði að barnaverndarnefnd væri á hælunum á henni. Mamma hennar var eiturlyfjasjúklingur, en stjúpi hennar lamdi hana.  Þegar hún fór út úr rútunni morguninn eftir í Knoxville lét hún hann hafa heimilisfang föðursins. Hann sat í rútunni langt fram eftir deginum með miðann í hendinni. Hann flaug hemi frá New York  eftir að hafa tapað öllum farangrinum í Las Vegas og fór á puttanum gegnum Mojaveeyðimörkina.