Höfundur: Gils Guðmundsson

Aldirnar eru sígildar og einstaklega vinsælar bækur þar sem Íslandssögunni eru gerð skil á aðgengilegan hátt í máli og myndum. Helstu atburðir hvers árs eru raktir í stuttum greinum sem höfða til lesenda á öllum aldri. Bækurnar eru stórskemmtilegar fróðleiksnámur og geyma lifandi sögu liðins tíma.

Hér segir frá árunum 1931–1950, miklu umbrotaskeiði með kreppu, kjarabaráttu, hernámi, heimsstyrjöld og stofnun lýðveldis. Gríðarlegar breytingar urðu á atvinnuháttum og búsetu landsmanna og segja má að nútíminn hafi haldið innreið sína en eins og endranær settu náttúruöflin einnig mark sitt á þjóðlífið.

Gils Guðmundsson skráði.