Höfundur: Lauren Oliver

Ást er sjúkdómur, hún heltekur hugann og kemur í veg fyrir að fólk hugsi skýrt. Þess vegna fara stelpur og strákar í einfalda aðgerð átján ára gömul sem kemur í veg fyrir að þau verði ástfangin. Svo eru þau pöruð við heppilegan maka. Lena hlakkar til að fara í aðgerðina og trúir því að lækningin muni gera hana hamingjusama og örugga. En er það alveg víst? Getur hún verið viss um að hinir sjúku – þeir sem ekki hafa farið í aðgerðina og lifa úti í Óbyggðunum – séu jafnhættulegir og yfirvöld halda fram? Er kannski betra að sýkjast af ást eitt andartak en lifa langa ævi í lygi?

Órar er fyrsta bókin í þríleik Lauren Oliver um sjúkdóminn ást sem unglingar um allan heim hafa rifið í sig og ritdómarar keppst við að lofa. Sif Sigmarsdóttir þýddi.

„Óvæntur endirinn skilur eftir svo margar spurningar að lesendur bíða með öndina í hálsinum eftir næstu bók.“
Kirkus Reviews

„Órar munu koma við hjartað í þér og herða á púlsinum. Þessi bók minnir mann á að lífið snýst um meira en einfaldlega að vera til.“
Justine Magazine