Höfundar: Svanhvít Egilsdóttir, Guðrún Egilson

Einstök saga af óvenjulegri konu

Svanhvít Egilsdóttir er án efa meðal þeirra Íslendinga sem mest áhrif hafa haft í tónlistarheiminum. Saga hennar er saga sterkrar konu sem bauð lífinu byrginn, þurfti að þola þung högg en uppskar virðingu og frama.

Það sópaði að Svanhvíti, enda var hún glæsileg kona með óbilandi kjark og vilja. Hún hélt utan á viðsjárverðum tímum og stundaði söngnám og störf í Þýskalandi í skugga Hitlers og heimsstyrjaldarinnar síðari. Einkalíf hennar þótti frjálslegt í meira lagi, sérstaklega á Íslandi, en þar bjó hún um tíma eftir lok stríðsins. Svanhvít hélt aftur utan, hætti söngnámi og hóf söngkennslu. Hún kenndi mörgum af helstu söngvurum þess tíma og var fyrst íslenskra kvenna til að verða prófessor við erlendan háskóla.

Guðrún Egilson hefur skrifað sögu Svanhvítar af mikilli alúð og vandvirkni og styðst við fjölda heimilda af ýmsu tagi, meðal annars einkabréf og viðtöl við samferðafólk hennar hérlendis sem erlendis.