Höfundur: Arngunnur Árnadóttir

Ský til að gleyma er önnur ljóðabók Arngunnar Árnadóttur, sem áður hefur sent frá sér skáldsöguna Að heiman og ljóðabókina Unglingar.

Um þrítugt

hverfa allir inn í hús
(öðru nafni fasteignir)

æ

hvað við drápum tímann
áður af miklu offorsi

Arngunnur Árnadóttir er fædd árið 1987 í Reykjavík. Frá árinu 2012 hefur hún starfað sem fyrsti klarínettuleikari Sinfóníuhljómsveitar Íslands. Fyrsta ljóðabók hennar, Unglingar, kom út hjá Meðgönguljóðum, ljóðaseríu Partusar, árið 2013. Arngunnur hlaut Nýræktarstyrk Miðstöðvar íslenskra bókmennta fyrir sína fyrstu skáldsögu, Að heiman, sem kom út hjá Partusi árið 2016.