Höfundur: Walter Isaacson

Ástríðufullur og knúinn áfram af einstæðri sýn á samruna tækni og fagurra lista var Steve Jobs sá einstaklingur á síðari hluta tuttugustu aldar sem hafði hvað mest áhrif á mótun samtímans eins og hann snýr að okkur frá degi til dags.

Hin sérstæða þráhyggja og óhvikula fullkomnunarárátta hans varð til þess að umbylta sex af veigamestu iðngreinum síðari tíma: einkatölvunni, teiknimyndum, tónlist, farsímum, spjaldtölvum og stafrænni útgáfu. En Jobs var ekki aðeins áhrifamikill forstjóri Apple og Pixar heldur barðist hann alla ævi við innri púka og spurningar sem leiddu hann á vit indverskra gúrúa og duttlungafullra lífsvenja sem höfðu mikil áhrif á líf hans og reyndu oft á fólkið í kringum hann.

Auk tuga viðtala við Jobs sjálfan ræddi höfundur bókarinnar, hinn þekkti ævisagnaritari Walter Isaacson, við fjölskyldu hans, ráðgjafa, keppinauta og samstarfsmenn – vini og varga – þar sem bæði kostir hans og gallar eru dregnir fram í kraftmikilli frásögn af einhverjum mestu samfélagsbreytingum síðari ára – hvernig einkatölvan breytti heiminum. Úr verður ekki aðeins áhugaverð ævisaga um einn litríkasta einstakling tæknialdarinnar heldur einnig menningarsaga samtímans eins og við þekkjum hann.